वि.सं. २०५३।०७।१३ गतेका दिन ३४ जना व्यक्तिहरूबाट जनही रू ५० का दरले रकम सङ्कलन गरी अनौपचारिक रूपमा किसान बचत समूह को नामबाट यस संस्थाको स्थापना भएका हो । तात्कालिन समयमा सामान्य घरेलु समस्या र खेतीपातीको काममा आवश्यक पर्ने मल, बिउ, औषधी तथा कृषि औजार खरिद गर्न समेत साहु महाजनका घरमा चर्को ब्याजमा ऋण लिनुपर्ने अवस्था रहेको थियो । सोहि अवस्थाबाट मुक्ति पाउने उद्देश्यले यो संस्थाको स्थापना भएको हो । पाँच वर्ष अनौपचारिक रूपमा सञ्चालित यो संस्था वि.सं. २०५८।०५।२५ गते तत्कालीन सहकारी प्रशिक्षण तथा डिभिजन कार्यालय सुनसरीमा दर्ता नं. ०२१/०५८/५९ मा दर्ता भएपछि वैधानिकता पाई सञ्चालन हुँदै आएको छ र आज हामी संस्था ३०औँ वर्षमा प्रवेश गरेको छ । संस्था स्थापनाको ३० वर्ष लागेको भएपनि कानुनी वैधताका आधारमा भने २४ वर्ष पूरा भएको छ । तथापि एउटा संस्थाको जीवन २४ वर्षको हुनु  सामान्य कुरा चाहिँ होइन । समयको यस अन्तरालमा संस्थाले विभिन्न आरोहअवरोह भने सामना गर्दै आएको छ । ३४ जना व्यक्ति र रू १७०० रकमबाट सुरु भएको संस्था आज २५,४७१ जना सदस्यमा विस्तारित भएको छ । संस्थाको यो मात्रात्मक विस्तारसँगै गुणात्मक विकास पनि हुँदै गएको ब्यहोरा यहाँहरूसमक्ष जानकारी गराउँदछौँ ।